Përpara se të përcaktojmë sëbashku, ndërhyrjen e përshtatshme për fëmijën ose adoleshentin, duhet të bëjmë një vlerësim të problemit, të perceptimit që familjarët dhe fëmija kane ne lidhje me situaten. Gjatë bisedës klinike me prindërit merret informacion i plotë per te gjitha periudhat kryesore te zhvillimit te femijes:
- Për shtatëzaninë e nënës
- Lindjen e fëmijës
- Dy vitet e para të jetës
- Fëmijërinë
- Shendetin
- Sjelljen
- Historinë familjare
- Kopeshtin/shkollën
- Marrëdhënien me shokët
- Zhvillimin psikologjik
Të gjitha këto informacione janë të domosdoshme për psikologun për të përcaktuar kontekstin familjar, psikologjik, social të fëmijës dhe për të kuptuar karakterin e problemit dhe dinamikat e tij.
Takimi i parë është i një rëndësie të vecantë, për fëmijën, prindërit dhe psikologun pasi vendoset një marrëdhënie besimi dhe mbështetje, mjaft e nevojshme për vazhdimësinë e takimeve.
Për vlerësimin e fëmijës/adoleshentit përdoren disa instrumenta për të mbledhur informacion, për të kornizuar problemin dhe për të ndërtuar planin terapeutik në rastet kur është i nevojshëm. Instrumentat që përdoren, të cilat na japin të dhëna objektive dhe subjektive për zhvillimin e fëmijës/adoleshentit janë testet, inventaret dhe pyetesoret.
- Test konjitiv/i inteligjencës
- Test për aftësitë akademike
- Inventari i ADHD (për fëmijët me probleme të hiperaktivitetit)
- Checklist për disleksinë
- Inventar për crregullimet e atashimit (marrëdhënies së fëmijës me prindërit, me shoket)
- Testet projektive- vizatimi i shtëpisë-pemës-familjes
Sëbashku me fëmijën, diskutojmë nëse është e nevojshme për procesin e vlerësimit, aplikimi i tyre gjatë seancave. Vlerësimi psikologjik dhe i personalitetit janë të rëndësishme pasi japin një imazh të qartë të funksionimit të fëmijës/adoleshentit. Testet e inteligjencës dhe ato akademike, na japin informacion për aftësitë e fëmijës në zgjidhjen e problemit, vështirësitë intelektive që mund të paraqesë, aftësitë akademike dhe vështirësitë që mund të përballet në shkollë etj.
Procesi i vlerësimit të fëmijës/adoleshentit dhe të gjithë kontekstit ku ai bënë pjesë, është i nevojshëm për të analizuar problemin ne teresi dhe per te vendosur nderhyrjen me efektive. Në rastet kur fëmija nuk ka nevojë për terapi, ose është i nevojshëm një takim me një specialist tjetër, ne ju rekomandojmë duke iu mbeshtetur në vazhdim.