Për vlerësimin e fëmijës/adoleshentit përdoren disa instrumenta për të mbledhur informacion, për të kornizuar problemin dhe për të ndërtuar planin terapeutik në rastet kur është i nevojshëm. Instrumentat që përdoren, të cilat na japin të dhëna objektive dhe subjektive për zhvillimin e fëmijës/adoleshentit janë testet, inventaret dhe pyetesoret.
- Test konjitiv/i inteligjencës
- Test për aftësitë akademike
- Inventari i ADHD (për fëmijët me probleme të hiperaktivitetit)
- Checklist për disleksinë
- Inventar për crregullimet e atashimit (marrëdhënies së fëmijës me prindërit, me shoket)
- Testet projektive- vizatimi i shtëpisë-pemës-familjes
Sëbashku me fëmijën, diskutojmë nëse është e nevojshme për procesin e vlerësimit, aplikimi i tyre gjatë seancave. Vlerësimi psikologjik dhe i personalitetit janë të rëndësishme pasi japin një imazh të qartë të funksionimit të fëmijës/adoleshentit. Testet e inteligjencës dhe ato akademike, na japin informacion për aftësitë e fëmijës në zgjidhjen e problemit, vështirësitë intelektive që mund të paraqesë, aftësitë akademike dhe vështirësitë që mund të përballet në shkollë etj.
Procesi i vlerësimit të fëmijës/adoleshentit dhe të gjithë kontekstit ku ai bënë pjesë, është i nevojshëm për të analizuar problemin ne teresi dhe per te vendosur nderhyrjen me efektive. Në rastet kur fëmija nuk ka nevojë për terapi, ose është i nevojshëm një takim me një specialist tjetër, ne ju rekomandojmë duke iu mbeshtetur në vazhdim.
Problemet me të cilat ne punojmë, me fëmijën dhe familjen, duke ofruar mbeshtetje dhe terapine e pershtatshme jane:
- Crregullimet pervasive të sjelljes (Autizëm; Asperger)
- ADHD – crregullim i sjelljes me hiperaktivit
- Crregullimet e sjelljes kundërshtuese
- Fëmije që janë bullera ose vuajnë nga bullizimi në shkollë, lagje etj
- Crregullimet e të nxënit (disleksi, diskalkuli
- Fëmijë që kanë probleme sociale (të tërhequr, të turpshëm)
- Fëmijë që kanë frikëra, janë ankthioz,
- Episode depresive
- Sjellje impulsive, mungesë kontrolli ndaj frustrimit
- Probleme akademike
- Frikë dhe ankth gjatë natës (vështirësi për të fjetur vetëm)
- Urinim i pavullnetshëm gjatë natës ose ditës
- Crregullime të të ngrënit
- Fëmijë që përjetojnë divorcing e prindërve
- Fëmijë/ adoleshent me probleme të vet-vlerësimit
- Crregullimi post-traumatik
Mbështetja psikologjike, vendosja e një marrëdhenie besimi, ndërtimi i një plani ndërhyrje për të kapërcyer vështirësitë janë percaktuesit kryesor te suksesit ne punen e psikologut.