Kam frikë të fle vetëm…

Shperndaje:

13879421_934163126694829_4604769574444698475_nKy shkrim ka në fokus një shqetësim që përfshin një pjesë të prindërve, për të cilin ata kërkojnë ndihmë: “Pse fëmija im ka frikë të flej vetëm?”.

“Jam e frikësuar për të fjetur vetëm. Cdo natë më duhet të thërras mamin që të flejë në krevatin tim, ose do të shkoj unë tek i saji. Mami më thotë mos u shqetëso, por unë aty e kam mëndjen. Po sikur të vijë hajduti?- Unë e di që shtëpia është e sigurt, por përsëri kam shumë frikë!”.

Shumë fëmijë, në moshat 6-9 vjec ose në pubertet 10-12 vjec, janë të frikësuar për të fjetur vetëm, madje edhe në rastet kur e ndajnë dhomën me vëllain ose motrën. Ata kërkojnë ndihmën e prindërve, kryesisht të nënës, për të ndenjur me ta derisa ti zëri gjumi. Gjatë natës, ata zgjohen papritur dhe thërrasin nënën për ti ndihmuar që të flenë sërisht, ose shkojnë tek krevati i prindërve.
Shpesh kjo mund të jetë e përkohshme, e shkaktuar nga një film i frikshëm që fëmija ka parë në tv; nga një histori që një shokë mund ti ketë treguar; nga një lajm që ka dëgjuar ose nga shqetësime të cilat mund të lidhen me shkollën, shokët, humbjen në lojë etj. Ajo që duhet të na preokupoi janë rastet kur fëmija kalon një periudhë më shumë se tre muaj dhe ky model behët pjese e rutinës së gjumit.

Zgjidhja që fëmija ka për ta kapërcyer këtë shqetësim është të mbështetet tek prindërit. Ndërsa mendimet e prindërve, janë nga më të ndryshmet si: “ A lidhet ankthi që fëmija përjeton gjatë natës, me një problem të thellë psikologjik?”; “A ka ndikuar zgjedhja jonë për ta mbajtur fëmijën deri në moshën 5 vjecare/ose me gjate, në krevat me ne?”; “A reflekton ky zakon i gjumit pasigurinë që fëmija ndjen tek vetja?” etj.
Nëse ky do të jetë vetëm një problem i izoluar në “disa netë me ankth për fëmijën” apo në një problem varësie kronike, kjo ndikohet nga mënyra sesi do trajtohet ai.

Disa nga këshillat që psikologët japin për të mbështetur familjen në kapërcimin e këtij shqetësimi janë:

1. Një rutinë e shëndetshme për gjumin
Një rutinë e shëndetshme do të thotë të vendosni sëbashku me fëmijën një ritual me disa aktivitete si psh: zgjidhni një orar të caktuar për të fjetur (zakonisht fëmijët 6-9 vjec ju nevojitet 9-11 orë gjumë/ për fëmijët 10-12 vjec, 8-10 orë gjumë); ndiqni disa hapa për tu përgatitur për gjumin si : femija të bëj një dush, të shkoj në tualet, të laj dhëmbët, të bëjë gati rrobat për nesër; gjithashtu një zakon i rëndësishëm është të kaloj disa momente afektive me prindërit duke lexuar një histori sëbashku, duke folur për planet e ditës së nesërme etj. Patjetër që përpara se të fikim dritën duhet ta përqafojmë dhe ta personalizojmë urimin e natës së mirë.

2.Një diskutim i të gjithë familjes për të gjetur zgjidhjen më të mirë për problemin
Gjatë diskutimit me fëmijën, duhet të jemi të qartë, në lidhje me cfarë presim, cfarë duhet të bejmë dhe cfarë nuk është e mirë. Vendosja e disa rregullave që lidhen me zakonin e gjumit është shumë e nevojshme, pasi rregullat i japin fëmijës ndjesinë e kontrollit të situatës dhe më shumë siguri e besim. Rregullat mund të përfshijnë: fëmija duhet të flej gjatë gjithë natës në krevatin e tij; prindi nuk duhet të shtrihet me të por vetëm duhet të ulet në krevat; njëri nga prindërit duhet të shkoj në dhomën e fëmijës cdo 10 minuta derisa ta ketë zënë gjumi; dhe gjithashtu duhet ta motivoj duke thënë; “Jam krenar për ty”; “Më bën të ndjehem mirë besimi që ti ke” dhe mund ti vendosi me ngjitëse nga një yll në kalendarin e dhomës, në ditët që ai ka mundur të flejë i qetë.

3.I transmetojme fëmijës qëndrimin tone pozitiv dhe të sigurt që cdo gjë do kaloj.
Është e rëndësishme që prindi të besoj te aftësitë e fëmijës dhe tek zgjidhja e problemit në familje. Asgjë e keqe nuk mund të ndodh nëse ne e parandalojmë, duke e ndihmuar fëmijën të ndjehet i sigurt tek vetja, dhe të ndërtoj skema mendimi të shendetshme, duke shmangur pyetjet “Po sikur…?”.
Fëmijët duhet të flenë vetëm. Duke zhvilluar aftësinë e tyre për të qetësuar veten, ata do të munden të kapërcejnë frikën e tyre dhe si pasojë do të rrisin ndjesinë e besimit tek vetja.

Shperndaje:

Lini një Përgjigje

Adresa juaj email nuk do te publikohet. Fushat e kerkuara jane te shenuara me simbolin *